काठमाडौं । बितेको २४ घण्टामा देशभर थप ६३९ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार ९ हजार ७५६ जनामा गरिएको परीक्षणमा ६३९ जनामा संक्रमण देखिएको हो ।
यसै अवधिमा १ हजार ६०० जना कोरोनामुक्त भएका छन्। सोही अवधिमा ३ जनाको मृत्यु भएको स्वास्थ्य मन्त्रालयद्वारा जारी तथ्यांकमा उल्लेख छ । बुधबारसम्म सक्रिय संक्रमितको संख्या १८ हजार २५१ रहेको छ ।
२४ घण्टामा २ लाख १४ हजार १०३ जनाले खोप लगाएका छन् ।
