काठमाडौं । काठमाडौं महानगरपालिकाका मेयर विद्यासुन्दर शाक्यले आफ्नो कार्यकालमा महानगरबासीले दिएको धेरै जिम्मेवारी पूरा गरेको दावी गरेका छन् । उनले आज (शनिबार) काठमाडौं महानगरपालिका– १४ को वडा कार्यालय भवन उद्घाटन गर्दै आफूले धेरै महत्वपूर्ण कामहरु सम्पन्न गरेको बताए ।
उद्घाटन समारोहमा बोल्दै मेयर शाक्यले सबै वडा कार्यालयहरुलाई काम गर्न उचित वातावरण बनाएर आफूले अभिभावकीय भूमिका निर्वाह गरेको जिकिर समेत गरे ।
मेयर शाक्यले मुद्दा मामिलाका कारण पनि महानगरपालिका अन्तर्गतका सबै वडा कार्यालय बनाउन नसकिएको स्पष्टिकरण दिए ।
शाक्यले भने, ‘सबै पूरा गर्न नसकेपनि धेरै जिम्मेवारी पूरा गरेको छु । मैले टिमलाई व्यवस्थित ढंगले परिचालित गरेको छु । सबैलाई उचित जिम्मेवारी दिएर काम गर्ने वातावरण बनाइदिएका छौं ।’
