काठमाडौं । नेकपा एमालेका अध्यक्ष केपी शर्मा ओलीले आगामी वैशाख १५ गते हुने उपनिर्वाचन आफनो पार्टीले जित्ने दाबी गरेका छन्।
पूर्व प्रधानमन्त्री ओलीले आज काठमाडौंमा आयोजित एक कार्यक्रममा एमालेविरुद्ध सबै एकातिर हुने गठबन्धन टुटेकाले पनि यस पटकको उपनिर्वाचनमा आफ्नो पार्टीले हार्न नमिल्ने जिकिर गरे।
उनले भने, ‘विगतमा विभिन्न कारणले र एउटा महत्वपूर्ण कारण हाम्रा बिरुद्धको अत्यन्तै खतरनाक गठबन्धन हामी एकातिर अरु सबै एकातिर भएको अवस्था त्यसको हामीले सामना गर्नुपरेको थियो। पराजयको पीडा व्यहोर्नुपरेको थियो। यसपल्ट हामी त्यस पीडालाई सुखद् परिणामतर्फ रुपान्तरित गर्न चाहन्छौं। परिवर्तन गर्न चाहन्छौं। यसपटक हामी हार्दैनौं। यस पटक हामी जित्छौं।’
