पोखरा । एसआई युकेले आज पोखरामा ‘युके एजुकेशन फेयर’ भब्य रुपमा सम्पन्न गरेको छ ।

फेयर एसआई युकेको कार्यालय रहेको पोखराको चिप्लेढुङ्गास्थित युएफओ अगाडि नेपाल इन्भेष्टमेन्ट मेगा बैंकको माथिल्लो तलामा सञ्चालन भएको हो । आजको मेलामा ३ सय बढी विद्यार्थीले अबलोकन गरेको नेपालका म्यानेजर विनय अधिकारीले जानकारी दिए ।

फेयरमा सहभागी हुन पाउँदा निकै खुशी लागेको विश्वविद्यालयका प्रतिनिधिहरूले बताएका छन् । विद्यार्थीले पनि फेयरमा सहभागी हुन पाउँदा आफूलाई भाग्यमानी महसुस गरेको प्रतिक्रिया जनाएका छन् ।

विद्यार्थीको उत्साहजनक सहभागिताले आफूलाई उत्साहित बनाएको एसआई युकेका व्रान्च म्यानेजर सागरबाबु गिरीको भनाई छ । एसआई युकेबाट एप्लाई गर्ने विद्यार्थीलाई बेलायतमा खाने, बस्नेसहितको सुविधा पनि दिने जनाएको छ । फेयरमा सहभागी हुन बेलायतका धेरै विश्वविद्यालयका प्रतिनिधिहरु आएका छन् । उनीहरुले नेपाली विद्यार्थीहरुलाई त्यहाँको शैक्षिक पाठ्यक्रमको बारेमा जानकारी गराएका थिए ।