काठमाडौं । आज राष्ट्रिय सभा उपाध्यक्ष पदका लागि निर्वाचन हुँदै छ । उपाध्यक्षमा नेकपा एमालेबाट विमला घिमिरे र कांग्रेसबाट विष्णुदेवी पुडासैनी उम्मेदवार रहेका छन् । ।।
आजको राष्ट्रिय सभा बैठकमा अध्यक्ष नारायण दाहालले दुवै उम्मेदवारका प्रस्तावकहरुलाई पालैपालो निर्वाचित गरियोस् भन्ने प्रस्ताव प्रस्तुत गर्न दिनेछन् ।
एमालेकी घिमिरेलाई निर्वाचित गरियोस् भन्ने प्रस्ताव भगवती न्यौपानेले र कांग्रेसकी पुडासैनीलाई निर्वाचित गरियोस् भन्ने प्रस्ताव दुर्गा गुरुङले प्रस्तुत गर्नेछन् । सत्ता गठबन्धनसँग बहमुत भएकाले राष्ट्रिय सभा उपाध्यक्ष पदमा घिमिरे निर्वाचित हुने निश्चित जस्तै छ ।
