काठमाडौं । सत्ता साझेदार दल नेकपा एमालेका महासचिव शंकर पोखरेलले कांग्रेसको मुख्य ध्येय नै अहिलेको सत्ता समीकरण भत्काउनु रहेको आरोप लगाएका छन् ।
महासचिव पोखरेलले आज झापामा दोस्रो बिर्तामोड नगर अधिवेशन उद्घाटन गर्ने क्रममा उस्तो आरोप लगाएका हुन् । उनले मुलुकमा अहिले राजनीतिक अन्योलको अवस्था रहेको बताए । नेपाली कांग्रेसले संसदमा अवरोध सिर्जना गर्ने दुष्प्रयत्नबाट अस्थिरता सिर्जना गरी सरकारमा सहभागी हुने चलखेलमा लागेको उनको जिकिर छ ।
आफू सरकारमा पुग्नका लागि कांग्रेस संसदलाई बन्धक बनाउन लागि परेको भन्दै पोखरेलले संसदको अवरोध नेपालको विकास र समृद्धिका लागि बाधक भएको टिप्पणी गरे ।
