काठमाडौं । आर्थिक वर्ष ०८३/८४ को पहिलो दिन नेपाल स्टक एक्सचेञ्ज (नेप्से) ७९.७४ अंकले बढेको छ । शुक्रबार ४ अर्ब ५७ करोड ५० लाख ९४ हजार रुपैयाँको कारोबार हुँदा नेप्से बढेर २६७७.५४ बिन्दुमा पुगेको हो ।
यद्यपि शुक्रबार कारोबार रकममा भने सुधार देखिएको छैन। १ करोड कित्ता किनबेच भए पनि ४ अर्ब ५७ करोडको मात्र कारोबार भएको हो।
यस दिन २५९ वटा सेयरको मूल्य बढ्दा १३ वटाको घटेको र २ वटाको अघिल्लो मूल्यमै कारोबार भएको नेपाल स्टक एक्सचेन्जले जनाएको छ।
