काठमाडौं । नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आगामी स्तानीय तहको निर्वाचनमा एमाले एक्लैले बहुमत ल्याउने दावी गरेका छन् ।

अध्यक्ष ओलीलिे गृहजिल्ला झापाको हल्दिबारीमा मंगलबार भएको चुनावी सभालाई सम्बोधन गर्दै यस्तो बताएका हुन् । उनले भने, ‘एमालेविरुद्ध बनाएको गठबन्धनले एमालेलाई हराउँछु भन्ने सोच नबनाए हुन्छ । दुई दल होस् या पाँच दल, एमालेले कर्‍याककुरुक बनाउँछ,’ ओलीले भने, ‘यसरी फाल्नुजतिको आनन्द केही पनि हुँदैन ।’

स्थानीय तहको निर्वाचनमा एमालेको बहुमत आउने ओलीको दाबी थियो । उनले स्थानीय तहसहित आउँदा प्रदेश र संघको निर्वाचनसमेत एमालेले जित्ने र तीनै तहमा एमालेको सरकार हुने जिकिर गरे ।

आउँदो निर्वाचनमा झापा एमालेको ‘लालकिल्ला’ साबित हुने उनको भनाइ थियो ।