काठमाडौं । एमाले अध्यक्ष केपी ओलीको गृहजिल्ला झापाको मेचीनगर नगरपालिकाको मेयर र उपमेयर दुवैमा नेकपा एमालेका उम्मेदवार विजयी भएका छन्।
नगरप्रमुखमा गोपालचन्द्र बुढाथोकी २६ हजार ४७८ मतका साथ विजयी भएका हुन् भने उनका निकटतम प्रतिद्वन्द्वी गठबन्धन तर्फका नेपाली कांग्रेसका इन्द्रबहादुर बुढाथोकीले २१ हजार ३११ मत प्राप्त गरे।
उपप्रमुखमा एमालेका मीना कुमारी पोखरेलले २१ हजार ५९० मत प्राप्त गरी विजय भइन्। उनका निकटतम प्रतिद्वन्द्वी गठबन्धनको माओवादी केन्द्रका प्रकाश भण्डारीले १२ हजार ८१८ मत प्राप्त गरे।
