काठमाडौं । सत्तारुढ गठबन्धनले आज (सोमबार) कैलालीको धनगढीमा चुनावी सभा गर्दैछ। सभालाई प्रधानमन्त्री एवं नेपाली कांग्रेसका सभापति शेरबहादुर देउवा लगायत गठबन्धन दलका अन्य शीर्ष नेताले सम्बोधन गर्नेछन्।
प्रधानमन्त्री देउवा सभामा सहभागी हुन आइतबार बेलुकी नै धनगढी पुगिसकेका छन्। उनी धनगढी उपमहानगरपालिका ४ स्थित आफ्नै निवासमा बसेका छन्।
सभामा सम्बोधन गर्न नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ पनि आइतबार बेलुकी नै धनगढी पुगेका छन्।
धनगढीको सभापछि प्रधानमन्त्री देउवा डडेलधुरा जाने कार्यक्रम रहेको जिल्लाप्रहरी कार्यालय कैलालीका प्रवक्ता वेदप्रकाश जोशीले जानकारी दिए। कांग्रेसले मंगलबार डडेलधुरा चुनावी सभा राखेको छ।
