काठमाडौं । नेपाली कांग्रेसले महामन्त्री गगन थापाको संयोजकत्वमा गठन गरेको ‘स्थानीय तह निर्वाचन– २०७९, घोषणापत्र तयारी समिति’ को बैठक आज बस्दै छ। बैठक बिहान ११ बजे पार्टी केन्द्रीय कार्यालय (सानेपा) मा बस्ने समितिका सदस्य किरण गिरीले जानकारी दिए।
प्रधानमन्त्रीसमेत रहेका पार्टी सभापति शेरबहादुर देउवाले आगामी वैशाख ३० गते हुने स्थानीय तहको निर्वाचनका लागि घोषणापत्र तयार पार्न यही चैत १० गते महामन्त्री थापाको संयोजकत्वमा समिति गठन गरेका हुन्। यसपालि कांग्रेसले महिनेत गरेरै घोषणापत्र बनाउने तयारी गरेको छ ।
