काठमाडौं । अर्थ मन्त्रालयले १९ जना उपसचिवको सरुवा गरेको छ । सरुवा सूची अनुसार रामप्रसाद पाठक वीरगञ्ज भन्सार कार्यालय पुगेका छन् । यसैगरी रसुवा भन्सार कार्यालयमा तुलसी प्रसाद भट्टराईको गएका छन् ।

राजेन्द्र प्रसाद चुडाललाई मेची भन्सार कार्यालय, मान बहादुर पौडेललाई जनकपुर भन्सार कार्यालय, जनार्दन पौडेललाई नेपालगञ्ज भन्सार कार्यालय पठाइएको छ ।
राम प्रसाद रेग्मीलाई भैरहवा भन्सार कार्यालय, र राजेन्द्र बस्नेतलाई जलेश्वर भन्सार कार्यालयमा खटाइएको छ ।

आन्तरिक राजस्व कार्यालय, जनकपुरमा आनन्द कुमार गुप्तालाई पठाइएको छ भने दिलीप केसीलाई आन्तरिक राजस्व कार्यालय, जोरपाटीमा सरुवा गरिएको छ । चुडाराज सापकोटा सार्वजनिक ऋण व्यवस्थापन कार्यालय, त्रिपुरेश्वरमा सरुवा भएका छन् ।

युक्त प्रसाद सुबेदीलाई कैलाली भन्सार कार्यालय धनगढी पठाइएको छ भने ध्रुवराज विश्वकर्मालाई गौतमबुद्ध विमानस्थल भन्सार कार्यालय, नारद गौतमलाई भन्सार जाँच पास परीक्षण कार्यालय, अनन्त प्रसाद तिम्सिनालाई आन्तरिक राजस्व कार्यालय पुगेका छन् ।

कृष्णनगर भन्सार कार्यालयमा फणीन्द्र खतिवडा, आर्थिक मामिला तथा योजना मन्त्रालय, लुम्बिनी प्रदेश, देउखुरी, दाङमा अमित पौडेल, आन्तरिक राजस्व कार्यालय, दमौलीमा लाल बहादुर खत्री, चोभार सुख्खा बन्दरगाह भन्सार कार्यालयमा उषा पोखरेल, आन्तरिक राजस्व कार्यालयमा सुजित कुमार सिंहको सरुवा गरिएको छ ।