काठमाडौँ । नेपाल बार एसोसिएसनले आज अदालत प्रशासनको कार्यशैलीविरुद्ध विरोधमा लालटिन बालेर प्रदर्शन गर्ने भएको छ ।
बारले आज दिउँसो १ बजे बार प्राङ्गणमा यस्तो प्रकारको प्रदर्शन गर्न लागेको हो ।
सरकारले ल्याएको अध्यादेश र संवैधानिक परिषदको निर्णयविरुद्ध परेका रिटहरु दर्ता गर्न नमानेको र कामु प्रधानन्यायाधीश सपना प्रधान मल्लले सोमबार दिएको आदेश उल्लंघन गरेको भन्दै बारले सर्वोच्च प्रशासनविरुद्ध आन्दोलन सुरु गरेको हो ।
नेपाल बार एसोसिएसनको हिजोको बैठकले सर्वोच्च अदालत प्रशासनले संवैधानिक महत्वका रिट निवेदन दर्ता नगरी न्यायिक प्रक्रियामै अवरोध सिर्जना गरेको भन्दै आजदेखि आन्दोलनमा उत्रिने निर्णय गरेको थियो ।
