नेकपा (माओवादी केन्द्र) का अध्यक्ष पुष्पकमल दाहाल प्रचण्डले नेकपा एमालेका अध्यक्ष केपी शर्मा ओलीलाई वुद्धि नभएको नेता भन्ने आरोप लगाएका छन् ।
बिहीबार काभ्रेको पाँचखालमा वाइसिएलको दोस्रो नगर सम्मेलनलाई सम्बोधन गर्दै उनले एकताको बेलामा भएको समझ्दारी ओलीले पालना नगरेकै कारण यो स्थिति आएको बताए ।
कार्यक्रममा प्रचण्डले ओलीलाई सामन्ती हिन्दु अतिवादी भएको आरोप लगाउँदै उनी माक्सवादीसमेत नभएको जिकिर गरे ।
‘ओली प्रवृत्ति, विचारको हिसाबले कम्युनिस्ट र माक्र्सवादी दुवै होइन, ओली केवल सामन्ती हिन्दु अतिवादी हो,’ उनले भने, ‘ओलीले पशुपतिनाथमा जलहरी चढाएको त सुन्नुभयो होला । अनि मेरो निर्वाचन क्षेत्रमा राम सीता हनुमान राखिदिएको छ, कम्युनिष्टले यस्तो काम गर्छ त ?’