काठमाडौं । सिन्धुपाल्चोक जिल्लाको बाह्रबिसे नगरपालिका वडा नम्बर १ को अध्यक्षमा नेपाली कांग्रेसका उम्मेदवार आङदोर्जे शेर्पा प्यानलसहित विजयी भएका छन् । उनी ४ सय १५ मत ल्याएर निर्वाचित भएका हुन्।
यस वडामा जम्मा ९ सय २७ मतदाता रहेका थिए । उनका निकटतम प्रतिस्पर्धी नेकपा (एमाले) का उम्मेदवार प्रेमकुमार मगरले जम्मा २ सय २७ मत मात्रै ल्याएका छन् । यसअघि पनि यस वडामा कांग्रेसका कामी शेर्पा विजयी भएका थिए । जम्मा ९ वडा रहेका यस नगरपालिकामा नेपाली कांग्रेसले विजयको खाता खोलेको छ ।
