काठमाडौं । नेकपा (एमाले) का अध्यक्ष केपी शर्मा ओली कम्बोडिया प्रस्थान गरेका छन्।
उनको सचिवालयका अनुसार मंगलबार राति कम्बोडियामा हुने निर्वाचन पर्यवेक्षणका लागि उनी त्यसतर्फ गएका हुन्। भ्रमण दलमा पत्नी राधिका शाक्य, उपमहासचिव विष्णु रिमाल र सचिवालयका अन्य सदस्य सहभागी छन्।
यसैबीच आफू कम्बोडिया प्रस्थान गर्नुअघि ओलीले वरिष्ठ उपाध्यक्ष ईश्वर पोखरेल र उपाध्यक्ष सुवास नेम्वाङलाई पार्टीको कार्यवाहकको जिम्मेवारी दिएका छन्। उनी साउन ८ गते स्वदेश फर्किने बताइएको छ।
