काठमाडौं । नेपाली कांग्रेसका महामन्त्री विश्वप्रकाश शर्माले आगामी मंसिरभित्र नियमित महाधिवेशन गर्नैपर्ने बताएका छन् ।
बिहीबार पदाधिकारी बैठकमा आफ्नो धारणा राख्दै महामन्त्री शर्माले मंसिरभित्र महाधिवेशन गर्न नसकेको खण्डमा विशेष महाधिवेशन विकल्प भएको बताए ।
उनले भने, ‘नियमित महाधिवेशन मंसिर मसान्तभित्रै गर्न सकिन्छ । यसले सभापतिज्यूको बहिर्गमनलाई पनि सहज बनाउनेछ ।’
तर, महाधिवेशन तयारीका लागि रातदिन खट्न सक्ने नेतृत्व आवश्यक रहेको भन्दै कार्यवाहकले त्यो गर्ने अथवा अरू कोही सिनियर नेताले संयोजन गर्ने भन्ने टुंगो गर्नु उचित हुने उनको भनाइ थियो ।
