काठमाडौं । नेकपा (एमाले) ले आज काठमाडौंको भृकुटी मण्डपमा स्थानीय तह निर्वाचन केन्द्रित अन्तिम सभा गर्ने भएको छ ।
एमाले काठमाडौं जिल्ला कमिटी सचिव राजेश शाक्यले भने, ‘नेकपा एमालेले आज गर्ने सभा स्थानीय तह निर्वाचन केन्द्रित अन्तिम सभा हो,’ शाक्यले भने, ‘देशभरि नै सन्देश दिने उदेश्यले काठमाडौँमा अन्तिम चुनावी सभा गर्न लागेका हौँ ।’ आजको सभामा काठमाडौँ महानगरपालिकासहित काठमाडौं जिल्लाका ११ वटै पालिकाका एमाले तर्फका उम्मेदवार आ–आफ्नो पालिकाको जुलुस र झाँकीसहित दिउँसो २ बजे भृकुटी मण्डपमा भेला हुने पनि शाक्यले जानकारी दिए ।
सभालाई पार्टी अध्यक्ष केपी शर्मा ओलीले सम्बोधन गर्ने उनले बताए ।
