काठमाडौं । काठमाडौं महानगरपालिकाको मेयरमा स्वतन्त्र उम्मेदवारी दिएका बालेन्द्र साह विजयी हुने निश्चित भएको छ ।
अब गन्न बाँकी रहेको मतभन्दा निकटतम प्रतिद्वन्द्वीसँग मतान्तर बढी रहेकाले बालेनले जित सुनिश्चित गरेका हुन् ।
अहिलेसम्म उनले ५६१४८ मत ल्याएका छन् भने दोस्रो स्थानमा रहेकी नेपाली कांग्रेसकी उम्मेदवार सिर्जना सिहंले ३५४७८ मत प्राप्त गरेकी छिन् । यसैगरी नेकपा (एमाले) का उम्मेदवार केशव स्थापितले ३४८५४ मत प्राप्त गरेका छन् ।
उपमेयरमा भने नेकपा (एमाले) की सुनिता डंगोल विजयी हुने सुनिश्चित भएको छ । उसले ६२८७८ मत पाएकी छिन् भने नेकपा (एकीकृत समाजवादी) का रामेश्वर श्रेष्ठले २१५१४ मत ल्याएका छन् ।
