काठमाडौं । नेकपा (एमाले)का महासचिव शंकर पोखरेलले निजगढ अन्तर्राष्ट्रिय विमानस्थल निर्माण रोक्ने सर्वोच्च अदालतको फैसला गलत भएको टिप्पणी गरेका छन्।
उनले सर्वोच्चको परमादेशलगत्तै सामाजिक सञ्जाल ट्वीटरमार्फत कार्यकारीको काममा यस्तो हस्तक्षेप न्यायिक सक्रियताको गलत बाटो भएको दाबी गरेका हुन्।
यस निर्णयले फास्ट ट्रयाकमा भएको लगानीलाई डुबाउने र मुलुकलाई आर्थिक संकटमा फसाउने भन्दै पोखरेलले गम्भीर र जिम्मेवार बन्न अपिल गरेका छन्।
