काठमाडौं । नेकपा (माओवादी केन्द्र) का अध्यक्ष तथा पूर्व प्रधानमन्त्री पुष्पकमल दाहाल ‘प्रचण्ड’ले आज बेलुकासम्म मन्त्रिपरिषद् विस्तार भएर सपथ समेत हुने ठोकुवा गरेका छन् । सोमबार पार्टीनिकट नेपाल बुद्धिजीवी संगठनको राष्ट्रिय भेलालाई सम्बोधन गर्दै प्रचण्डले यस्तो बताएका हुन् ।
सम्बोधन गर्दै उनले भने ‘क्याबिनेट विस्तार गरेर आज सपथ ग्रहण गर्ने नभए टुंग्याउने काम भने आजै हुन्छ ।’ लामो समयसम्म सरकार विस्तार हुन नसकेपछि सरकारको आलोचना भइरहेको छ । मन्त्रिपरिषद् विस्तार हुने तयारीसँग सत्ता गठबन्धनका नेताहरुले आफूलाई मन्त्री बनाउन दौडधुप तीब्र बनाएका छन् ।
