काठमाडौं । पछिल्ला केही दिनदेखि कोराना संक्रमण दर ह्वात्तै बढ्न थालेको छ । पछिल्लो २४ घण्टामा मात्र देशभर ४५७ कोरोनाका नयाँ संक्रमित थपिएका छन्।
आइतबार संक्रमितको संख्या जम्मा १३५ रहेको थियो । साथै मृत्यु संख्या पनि थपिन थालेको छ । ४ महिनापछि आइतबार एक जनाको कोरोनाबाट मृत्यु भएको थियो । त्यस्तै सोमबार पनि कोरोनाबाट १ जनाको मृत्यु भएको छ ।
कुल २ हजार ३४१ र २ हजार ३१० कुल ४ हजार ६५१ परीक्षणमा ३८६ पीसीआर तथा ७१ जना एन्टिजेनमा परीक्षणबाट संक्रमित पुष्टि भएका हुन् । संक्रमित थपिएसँगै सक्रिय संक्रमितको संख्या १७७६ पुगेको छ । २४ घण्टामा ४८ जना निको भएका छन् ।
