काठमाडौं । पछिल्लो २४ घण्टामा देशभर ५ हजार ८७ जना कोरोना भाइरसका संक्रमित थपिएका छन्।
स्वास्थ्य तथा जनसंख्या मन्त्रालयले दिएको जानकारी अनुसार २० हजार ५६० नमूना परीक्षण गर्दा सो संख्यामा संक्रमित फेला परेका हुन्।
आज तीन जनाको ज्यान गएको छ भने ३०६ जना कोरोनामुक्त भएर डिस्चार्ज भएका छन्। आजसम्म नेपालमा सक्रिय संक्रमितको संख्या १८ हजार २३५ जना रहेको छ भने पछिल्लो २४ घण्टामा काठमाडौं उपत्यकामा मात्रै २६०४ जनामा कोरोना भाइरसको संक्रमण पुष्टि भएको छ ।
मन्त्रालयका अनुसार काठमाडौंमा १९१३ जना, भक्तपुरमा ३१७ जना र ललितपुरमा ३७४ जना कोरोना संक्रमित थपिएका हुन् ।
