काठमाडौं । सत्ता गठबन्धनमा सहभागी दल नेकपा (माओवादी केन्द्र) ले आफ्नो चुनावी प्रचार सामग्रीमा नेपाल विद्युत प्राधिकरणका कार्यकारी निर्देशक कुलमान घिसिङको तस्बिर राखेर बनाएको छ ।
माओवादी अध्यक्ष पुष्पकमल दाहालको आधिकारिक फेसबुक पेजबाट सार्वजनिक भएको चुनावी पोष्टरमा प्राधिकरणका कार्यकारी निर्देशक घिसिङको पनि तस्बिर राखिएको हो । अध्यक्ष प्रचण्ड र अर्थमन्त्री जनार्दन शर्मासँगै माओवादीले घिसिङको तस्बिर राखेर ‘अध्याँरोबाट उज्यालोतर्फ’ उल्लेख गर्दै चुनावी पोष्टर सार्वजनिक गरेको हो ।
नेपाल विद्युत प्राधिकरणमा कार्यकारी निर्देशक रहेका उनको तस्बिर प्रचार सामग्रीमा राखेकोबारे सामाजिक सञ्जालमा समर्थन र विरोध भइरहेको छ ।
