काठमाडौं । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले राष्ट्रिय सम्मेलन विचार केन्द्रित हुने बताएका छन् (
सम्मेलनको पूर्वसन्ध्यामा शुक्रबार भिडिओ अपील सार्वजनिक गर्दै प्रचण्डले सम्मेलन मेला जस्तो नहुने बताएका छन् ।
‘यो राष्ट्रिय सम्मेलन विचारको विकास गर्ने, राजनीतिक मुद्दाहरुलाई परिमार्जित गर्ने, संगठनलाई बलियो बनाउने र राष्ट्र तथा जनताको हितमा सही योजना बनाउने यो ऐतिहासिक सम्मेलन हुने छ,’ उनको भनाइ छ ।
उनले अगाडि भनेका छन् – सम्मेलन एउटा मेला जस्तो हुने छैन । यो नेपाल राष्ट्र र जनताको हितमा सही विचार विकास गर्ने, सही निष्ठावान पार्टी बनाउने अभियान हुनेछ ।
