काठमाडौं । आजदेखि सुरु हुने मोरङ व्यापार संघले आयोजना गर्न लागेको अन्तर्राष्ट्रिय स्तरको एक्स्पोको उद्घाटनका लागि प्रधानमन्त्री पुष्पकमल दाहाल प्रचण्ड बिहीबार साँझ नै विराटनगर गएका छन् ।

प्रधानमन्त्रीले  आज बिहान १० बजे सुनसरीको इनरुवामा नेपाल विद्युत् प्राधिकरणको सब स्टेसनको उद्घाटन गर्ने कार्यक्रम छ । माओवादी मोरङका संयोजक विजय विश्वासले त्यसपछि प्रधानमन्त्री दाहाल मोरङको मिक्लाजुङ जाने कार्यक्रम रहेको  बताए ।

खानापछि प्रधानमन्त्रीले मिक्लाजुङ गाउँपालिका पार्टीले आयोजना गरेको आमसभालाई सम्बोधन गरी दिउँसो ३ बजे मोरङ व्यापार संघ एक्स्पोको उद्घाटन गर्नेछन् । उनी आजै साँझ काठमाडौं फर्किने छन् ।