काठमाडौं । नेकपा एमालेले काठमाडौको मेयरमा केशव स्थापितलाई उम्मेदवार बनाउने भएपछि उनले आज बागमती प्रदेशसभा सदस्य पदबाट राजीनामा दिएका छन्।
हेटौंडा आएर उनले सभामुख सानुकुमार श्रेष्ठ समक्ष राजीनामा बुझाएका हुन्। बागमती प्रदेशको पूर्व भौतिक पुर्वाधार विकासमन्त्री समेत रहेका स्थापितलाई नेकपा एमाले सचिवालय बैठकले शनिवार काठमाडौं महानगरपालिका मेयरमा उठाउने निर्णय गरको थियो। उनी काठमाडौं महानगरका पूर्व मेयरसमेत हुन्। उनलाई हक्की स्वभावका नेताका रुपमा चिन्ने गरिएको छ ।
