काठमाडौं । नेपालको एक मात्र अन्तर्राष्ट्रिय विमानस्थल काठमाडौंस्थित त्रिभुवन अन्तर्राष्ट्रिय विमानस्थलको सञ्चार प्रणालीमा खराबी आएपछि आज दिनभरका उडान प्रभावित हुने विमानस्थल कार्यालयले जनाएको छ ।

विमानस्थल कार्यालयले सूचना जारी गरेर यस सम्बन्धमा जानकारी दिएको हो । सञ्चार प्रणालीको खराबीका कारण आन्तरिक तथा बाह्य उडान तालिका हेरफेर हुनसक्ने जनाइएको छ । उडानहरु निर्धारित समयभन्दा ढिलो हुनसक्ने बताइएको छ ।

विमानस्थल कार्यालयद्वारा जारी सूचनामा भनिएको छ, त्रिभुवन अन्तर्राष्ट्रिय विमानस्थलको कम्युनिकेसन प्रणालीमा खराबी आएका कारण आजका सम्पूर्ण उडानहरु प्रभावित हुने र उडानहरु ढिला हुन जाने छ ।