काठमाडौं । नेपाल कम्युनिस्ट पार्टी एकीकृत समाजवादीका अध्यक्ष माधव नेपालले छठ पर्वको अवसरमा शुभकामना सन्देश ब्यक्त गर्दै मौलिक कला र संस्कृतिको संरक्षणबाट सबै नेपालीलाई एकताबद्ध गरी राष्ट्रियतालाई बलियो बनाउन सहयोग पुग्ने बताएका छन्।
उनले विविधतायुक्त नेपाली समाजका प्रत्येक समुदायका मौलिक धर्म, संस्कृतिको संरक्षण गर्नुपर्नेमा जोड दिए ।
सबै समुदायका संस्कृति तथा चाडपर्वले एक–आपसमा सामाजिक सदभाव, सांस्कृतिक सदभाव साथै राष्ट्रिय एकता मजबुत बनाउन भूमिका निर्वाह गर्ने उल्लेख गर्दै सन्देशमा उनले समुदायस्तरबाट आफ्ना भाषा, धर्म, संस्कार, संस्कृतिको संरक्षणले देशलाई मौलिक सभ्यता र संस्कृतिमा सम्पन्न बनाउने विचार व्यक्त गरे।
