काठमाडौं । एक समयकी चर्चित गायिका नायिका करिष्मा मानन्धर आज नेकपा एमाले प्रवेश गर्ने भएकी छिन् । उनी डा. बाबुराम भट्टराई नेतृत्त्वको तत्कालीन नयाँ शक्ति पार्टीमा केन्द्रीय सदस्य थिइन् ।
दिउँसो १ बजे पार्टी केन्द्रीय कार्यालयमा अध्यक्ष केपी शर्मा ओलीले उनलाई पार्टी प्रवेश गराउने कार्यक्रम रहेको छ । करिष्मासँगै समाजवादी जनता पार्टीका अध्यक्ष तथा पूर्वमन्त्री प्रेमबहादुर सिंहको नेतृत्वमा उनको दल एमालेमा प्रवेश गर्ने कार्यक्रम रहेको एमालेले जनाएको छ ।
मानन्धरले यसअघि पनि आफूलाई केपी ओली र एमाले पार्टी मन परेको भन्दै प्रशंसा गर्दै आएकी थिइन् । सुरुमा नयाँ शक्ति पार्टीमा निकै सक्रिय रहेकी उनी पछिल्लो समय त्यस पार्टीमा निस्क्रिय भएर बसेकी थिइन् ।
