काठमाडौं । प्रधानमन्त्री शेरबहादुर देउवा चुनावी सभालाई सम्बोधन गर्न आज तनहुँको दमौली जान लागेका छन् ।
उनी नेपाली कांग्रेस तनहुँले यही वैशाख ३० गते हुने स्थानीय तह निर्वाचनलाई लक्षित गर्दै दमौलीमा आयोजना गरेको सभामा सहभागी हुन तनहुँ जान लागेका हुन् ।
चुनावी सभालाई नेपाली कांग्रेसका वरिष्ठ नेता रामचन्द्र पौडेल र प्रवक्ता डा. प्रकाशशरण महतलगायत नेताहरूले पनि सम्बोधन गर्ने कार्यक्रम रहेको नेपाली कांग्रेस तनहुँका सचिव लक्ष्मीभक्त खनालले जानकारी दिए ।
