काठमाडौं । नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्डलाई भेट गर्न काठमाडौं महानगरपालिकाका मेयर बालेन शाह खुमलटार पुगेका छन् ।
खुमलटार भेटघाटमा महानगरपालिकालाई विकास तथा समसमायिक राजनीतिक बिषयमा छलफल भएको प्रचण्डका स्वकिय सचिव रमेश मल्लले जानकारी दिए ।
भेटका क्रममा स्वतन्त्रबाट निर्वाचित मेयर शाहलाई प्रचण्डले बधाई दिँदै आगामी दिनका कामहरुमा सहयोग गर्ने प्रतिबद्धता जनाएका थिए।
भेटमा प्रचण्डले काठमाडौंको मेयरका रुपमा स्वतन्त्र उम्मेदवार भएर भएको यो जितले अर्थपूर्ण सन्देश दिएको बताएका थिए। शाहका स्वकीय सचिव भूपदेव शाहले भेटबारे जानकारी दिँदै भने,‘उहाँले सुरुमा तपाईंको जित एकदमै ठूलो जित हो। यसले नयाँ सन्देश दिएको छ। यसले नयाँ अध्याय सुरु गराउन सक्ने संभावना पनि बोकेको छ।’
यसअघि बालेनले नेकपा एमाले अध्यक्ष केपी शर्मा ओली र प्रधानमन्त्री शेरबहादुर देउवालाई भेटघाट गरिसकेका छन् ।
